Monday, October 29, 2012

thodi si murkhta

london ke windsor castle ilake ki 17vi shatabdi ya shayad usse bhi purani in galiyon mein jo apne mein ek itihaas samete hai hum ek aur din kuch shoot karne aaye,shoot?mera matlab filmankan se tha,jee haan main ek abhineta hoon aur apne desh ke murkh dabbe yaani tv ke liye kaam karta hoon,saubhagya se hum un nakli aur satahi sets se bahar nikal london ki galiyon mein aaye hai kuch naya karne.jee haan naya sunne mein ajeeb sa aur ghisa pita shabd hai lekin kya karu koi aur shabd yahan baithta bhito nahi hai..
haan to vapas in galiyon mein aate hai saamne windsor castle ke gumbad hain jinpe ek kaali ghadi sunahre kaanto ke saath lagi hai jo apna itihaas khud bayan karti hai aur shayad hume yahi ehsaas karati hai ki samay ka pahiya yunhi ghoomta rahega,aaj hai kal nahi, lekin main sada yunhi rahunga,badalta hua,kal inhi deewaron ke peeche raja rani raaj kiya karte the lekin aaaj bas 17 pound ki ticket ke joker ban kar reh gae hain,unhi deewaron ke saamne sadak ke beecho beech rani ki kale pathar se bani murti lagi hai,haath mein rajsi talwaar aur ek anda(egg),sar pe rajsi mukut,apne rajsi andaaz aur pehnaave mein,khoobsurat aur us kaal ki bhavyata darshati lekin uske aas paas ki mayusi aur akelapan jhalkati,shunya mein dekhti aankein aur ek thama hua kadam,jaise samay ruk gaya ho uske liye.lekin samay kabhi ruka hai kisi ke liye bas hum he samay mein ruk jaate hain,ghadi ke daudte sunahre kaante shayad rani ko har pal yahi batate hain..

arre main bhi kahan raja rani mein ulajh gaya,apko to usse zyada dilchaspi ismein hogi ki hum filma kya rahe hai,kuch nahi wahi murkh dabbe ke liye ki jaane waali murkhata,lekin is murkhta mein jo anand hai wo einstien banne mein bhi nahi..mere murkh saathi kuch murkhtapoorn baate kar rahe hain aur hum koshish kar rahe hain ki kaise us murkhta ko camere mein kaid kar aap vidwano ke gharon tak pahunchae taaki aap sabhi vidwan aur vidushi apni paarkhi nazar se apna faisla suna sake ki humari murkhta aapko murkh bana pai ya nahi..
fir baat karenge ek nai jagah pe jaake..tab tak alivida..:)

1 comment:

  1. Oh Wow...my research got paid off finally.
    .first up all aapka blog padhkar bahut achha laga. and of course ham poori tarah or bahut acche vaale Moorkh ban chuke hain ..thanks to U lol ....tabhi twitter chhod blog tak aa gye aapke .:P:D
    but i must say U R THE ONLY ONE who make me fan or follower. ..writing and reading ki duniya mujhe TV se jyada real lagti hai.i have read ur Dad's book . but honestly u are such a great actor and very grounded persson..its nothing new in my words for you. but believe me its all new for me. Its great to being a fan of you

    I wish k aap jadi se USA bhi aaye or jaldi se is blog par kuch likhen ...
    Jald hi meri ek book Publish hone vaali hai .. i will be blessed agar aapko vo bhet kar payi to.
    Sorry for long bakbak ...twitter par lambi list dekh kar daar gyi thi ...par yahan mujhe yakeen hai k later or sooner reply jaroor milega.
    With lots of love and wishes
    Vandana SIngh /DC usa

    ReplyDelete