Saturday, September 13, 2014

ek aur poornviram

                                                                  ek aur poornviram


hospital ke us corridor mein saare gharwalon ki chahal pahal thi har koi pareshaan tha bas koi toh chinta hai jo khae jaati hai,esi he gehmagehmi hoti hai production office mein jab ek naya show ban raha hota hai,vaisa he mahaul jaise ek naya janm ho raha ho..saare gharwale us naye bachche se pyaar karte hain chahte hain ki wo saleeke se bada ho,har kisi ka apna ek judaav hota hai usse..

kai baras ho gae kai projects ho gae,shuru hote hain phir bandh hote hain sabse ek judaav hota hai,shuruat mein ajeeb lagta tha bura lagta tha bandh hone pe phir aadat pad jaati hai,theek zindagi ki tarah log aate hai chale jaate hain zindagi chalti rehti hai nirantar lekin kuch ese log aate hain jo humare liye khaas ho jaate hain jinke jaane par zindagi toh chalti hai lekin vaisi nahi,wo humare andar kuch badal jaate hain chhod jaate hain ek khaalipan ek ehsaas jo hum kabhi dobara nahi ji sakte jiska malal hamesha humare andar jeevant rehta hai,esa he tha rangrasiya, jo mere andart bohot kuch badal gaya,jo chhod jaega ek esa khalipan jise bhara nahi ja sakta,mere is tv ke safar ka sabse mehtvpoorn padav sabse pyara aur dil ke kareeb.

aur ye sirf mere liye nahi balki har koi jo isse juda kisi bhi haisiyat mein unke liye ye esa he tha,banaane walo se lekar dekhne walon tak..hum kisi ke pyaar ko kisi ke judaav ko door baithkar nahi naap tol sakte,

ek aur poornviram laga ek aur kahaani pe,lekin yahi toh hai mazedaar zindagi har anth par ek nai shururat,phir ek naya janm hoga ek nai kahani likhi jaegi,lekin wo ek ehsaas wo ek khalipan barkarar rahega sada.

Monday, October 29, 2012

thodi si murkhta

london ke windsor castle ilake ki 17vi shatabdi ya shayad usse bhi purani in galiyon mein jo apne mein ek itihaas samete hai hum ek aur din kuch shoot karne aaye,shoot?mera matlab filmankan se tha,jee haan main ek abhineta hoon aur apne desh ke murkh dabbe yaani tv ke liye kaam karta hoon,saubhagya se hum un nakli aur satahi sets se bahar nikal london ki galiyon mein aaye hai kuch naya karne.jee haan naya sunne mein ajeeb sa aur ghisa pita shabd hai lekin kya karu koi aur shabd yahan baithta bhito nahi hai..
haan to vapas in galiyon mein aate hai saamne windsor castle ke gumbad hain jinpe ek kaali ghadi sunahre kaanto ke saath lagi hai jo apna itihaas khud bayan karti hai aur shayad hume yahi ehsaas karati hai ki samay ka pahiya yunhi ghoomta rahega,aaj hai kal nahi, lekin main sada yunhi rahunga,badalta hua,kal inhi deewaron ke peeche raja rani raaj kiya karte the lekin aaaj bas 17 pound ki ticket ke joker ban kar reh gae hain,unhi deewaron ke saamne sadak ke beecho beech rani ki kale pathar se bani murti lagi hai,haath mein rajsi talwaar aur ek anda(egg),sar pe rajsi mukut,apne rajsi andaaz aur pehnaave mein,khoobsurat aur us kaal ki bhavyata darshati lekin uske aas paas ki mayusi aur akelapan jhalkati,shunya mein dekhti aankein aur ek thama hua kadam,jaise samay ruk gaya ho uske liye.lekin samay kabhi ruka hai kisi ke liye bas hum he samay mein ruk jaate hain,ghadi ke daudte sunahre kaante shayad rani ko har pal yahi batate hain..

arre main bhi kahan raja rani mein ulajh gaya,apko to usse zyada dilchaspi ismein hogi ki hum filma kya rahe hai,kuch nahi wahi murkh dabbe ke liye ki jaane waali murkhata,lekin is murkhta mein jo anand hai wo einstien banne mein bhi nahi..mere murkh saathi kuch murkhtapoorn baate kar rahe hain aur hum koshish kar rahe hain ki kaise us murkhta ko camere mein kaid kar aap vidwano ke gharon tak pahunchae taaki aap sabhi vidwan aur vidushi apni paarkhi nazar se apna faisla suna sake ki humari murkhta aapko murkh bana pai ya nahi..
fir baat karenge ek nai jagah pe jaake..tab tak alivida..:)

Friday, November 19, 2010

Fitrat..!

kuch nahi hai toh gam hai,
mil gaya toh shikayat hai..
paane ki jaddojahad hai,
paake aur paane ki hasrat hai..

har neend ek naya sapna hai,
har sapna adhura hai..
har aankh ek aas hai,
har aankh ek aansu hai..

har dua mein barkat hai,
har dil ek nayi hasrat hai..
paan aur paana,
bas yahi insaani fitrat hai.

Sunday, May 16, 2010

GUTARGOON

mumbai ki chipchipi garmi ki ek dophar, main ek coffee shop mein kuch doston ke saath baitha tha,ek nai film ki kahani par vichaar vimarsh kar rahe the lekin mera dyaan sadak ke us paar kabootaron ke jhund mein zyaada tha,kuch hritik roshan ke sar pe virajmaan the aur kuch us billboard ke charanon mein.kuch saamjik taur pe jagrit log kam se kam in kabootaron ko toh daana dala he jaate hain,bagal mein pade us aadhe nange bikhari bachche ko muft mein do gaali bhi de jaate hain.sabki mundi kisi hiphop dancer ki tarah ek laya mein daana chugti hui,tabhi peeche se ek jaani pahchaani hi ki awaaz aayi ek aur dost tha,wahi raterataye andaaz mein haath milana,gale lagna,wahi ghise pite sawaal jawaab,kaisa hai? kya chal raha hai? ghar pe sab theek? vagairah aur hum phir apne apne jhund mein aa gaye.film ka pahla draft taiyaar ho chuka tha ab tak,doosre ki shuruat aur ia baar main apne aas paas baithe kabootaron ke jhund mein kho gaya,har table par kuch kabootar,magar yahaan variety thi,har tarah ke the,kabootariyan bhi thi saji dhaji koi naya kabootar dhoondhti hui kuvh apna saath laayi thi.har table pe ek film ban rahi thi,kuch 20 table hongi toh sharukh, amitabh aur salmaan ab tak 15 filmein toh sign kar he chuke the.har kabootar apna daana dhoondhta hua,yahan pe ek fark tha yahaan apna daana khud he dhoondana padta hai,aur agar daana na mile toh kabootar dhoondna padta hai jo daana leke aaye.main bhi unhi mein se ek kabootar hoon,apna daana dhoondhta hua,par woh kahte hain na ki daane daane pe likha hai.....................!

Thursday, March 25, 2010

sapno ki kwabgah...

kabhi kabhi raat ko main chakme se uth baith ta hoon,

hazaron rangeen tarange jaise badan se guzri hon,

halak sukha,ghanghor andhera,seene mein chot deti dhadkan,

banjar zameen sa man phir bhi baith sochta hoon,

kabhi kabhi raat ko main chakme se uth baith ta hoon..

andhiyare man ki tanha galiyon mein,

kuch harkat si mahsoos hoti hai,

paani bharne ko jaati meri trishna mahsoos hoti hai,

haath badha use mahsoos karma chahta hoon,

wo shwet kiran andera hoti mahsoos hoti hai,

kabhi kabhi raat ko main chakme se uth baith ta hoon……..

Thursday, November 26, 2009

chasing dreams

We are dreaming since the day we're born and may be even before we were born we saw dreams through our parents eyes.Its funny because we start living their dream thereafter,the dream which is not ours,n we chase it all our lives without realizing our dreams and our true calling.
Dreaming is good,but why not see a dream which is your own, a dream you want to make true, a dream you want to live, a dream you know you can catch, a dream which you see with your closed eyes and make it happen with your eyes open..
I saw a dream of my own, I know I can catch it, and am en route...
Hope and wish you see a dream today..happy dreaming!!!